Guliston 2

Buxoro shahrining yangi maʼmuriy markazida, Gulchorbogʻ mahallasidagi Juvozqogʻoz koʻchasida joylashgan komfort-klassdagi turar joy majmuasi. Majmua xalq orasida «Guliston» koʻprigi deb ataladigan hududda, qurilayotgan 40 gektarlik Turistik shaharcha yaqinida barpo etilmoqda.

Hudud yashil va salqin havosi bilan ajralib turadi, shaharning tez rivojlanayotgan yangi qismida joylashgan — yashash uchun ham, sarmoya uchun ham qulay tanlov.

Loyiha 4 ta blokdan iborat. 1, 2, 3 va 4 xonali xonadonlar mavjud. Masalan, 51,71 m² li xonadon mehmonxona, oshxona va yotoqxonadan iborat boʻlib, yotoqxona va oshxonadan balkonga chiqish eshigi bor — yosh oilalar uchun ayni muddao.

Yaqin atrofda maktab, supermarket, bozorcha, kardiologiya dispanseri, oliy taʼlim muassasasi, dorixona va bank joylashgan.